आपण ज्या शहरात राहतो, त्या शहराची किमान आपल्याला तोंड ओळख असावी, या हेतूने मी सध्या ऑफिसच्या साप्ताहिक सुट्टीच्या दिवशी पुणे शहरातील विविध भागांना पीएम पीएल बस, मेट्रो आणि स्वतःची गाडी या माध्यमातून भेट देत आहे. हे आपणास एव्हाना माहिती झालेच असेल. माझ्या याच भटकंतीमध्ये मी नुकतीच मी नगर रोडवरील कल्याणी नगर, येरवडा, वडगाव शेरी, चंदन नगर, आदी भागातून भोसरी मोशी या भागात तसेच पुढे निगडी, चिंचवड, खडकी भागात जायचे ठरवल्यास कोणकोणते भाग येतात ? तसेच या भागात प्रवास करायचा असल्यास सार्वजनिक वाहतुकीचा काय सोय आहे या प्रकारची माहिती घेण्यासाठी पी एम पी एल च्या 149 क्रमांकाच्या बसने एका दिवसाचा पास काढून भटकंती केली. या 149 बस क्रमांकाच्या भटकंतीमुळे मला पुणे शहराची एक नवी ओळख प्रकर्षाने जाणवली ती म्हणजे लष्करी आणि अन्य महत्वाचा संस्थेचे माहेरघर असणारे पुणे शहर.
सर्वसाधारणपणे बोलायचे झाल्यास पुणे शहरातील लोहगाव आणि विश्रांतवाडी भागात लष्कराची काही ऑफिसेस आहेत अशी सर्वसाधारण माहिती अनेकांना असते. मात्र ती कोणती आहेत, किती आहेत याविषयीची माहिती अनेकांना नसते. मला सुद्धा नव्हती. मात्र मी पीएमपीएलच्या बस क्रमांक 149 मधून फिरल्याने मला याबाची पूर्णतः म्हणता येणार नाही मात्र मोठ्या प्रमाणात माहिती झाली. मी बसमधून फिरताना तसेच पास काढलाअसल्याने हवे त्या बस स्टॉप वर उतरून आसपास फिरून माहिती घेतली असता मला पुणे शहरात विश्रांतवाडी येरवडा आदी परिसरात महत्त्वाच्या लष्करी संस्था आढळल्या त्यापैकी काही प्रमुख संस्था पुढीलप्रमाणे
वायुसेना स्टेशन लोहेगाव येथे फायटर विमान (जसे सुखोई) विमाने असतात.पश्चिम भारताच्या हवाई संरक्षण मूल्याची भूमिका हे स्टेशन निभावते.
9 बेस रिपेअर डेपो (9 BRD) हे सुद्धा वायूदलाशी संबंधित महत्त्वाचे केंद्र या परिसरित आहे. लष्करी विमानाचे ओव्हरहॉलिंग येथे होते.एअर फोर्स स्टेशनच्या अंतर्गत काम करणारे सीएसडी कॅन्टीनसुद्धा येथे आहे.
भारतीय लष्करात महिलांचे प्रमाण मोठ्या संख्येने वाढत आहे. लष्करात अनेक महत्त्वाचा पदावर आणि महत्त्वाच्या संस्थेत कार्यरत आहेत.या संस्थांपैकी महत्त्वाचा समजल्या जाणाऱ्या
बॉम्बे अभियांत्रिकी गट आणि केंद्र (BEG)
संशोधन आणि विकास आस्थापना (अभियंता)
भारतीय सेनेचा अभियांत्रिकी विभाग
ऐतिहासिक व प्रशिक्षण केंद्र
आर्मी इन्स्टिट्यूट ऑफ टेक्नॉलॉजी
GREF केंद्र या संस्था मला विश्रांतवाडी ,लोहगाव परिसरात फिरताना आढळल्या.
मी अनेकदा वाचले आहे की महाराष्ट्रात एन.डी.ए.आहे. मात्र एन.डी.ए मध्ये महाराष्ट्रीयन व्यक्ती खुपच कमी आहेत.मी विश्रांतवाडी आणि लोहगाव,येरवडा परिसरात फिरताना हाच विचार करत होतो.पुणे शहरात देशाच्या संरक्षणाच्या दृष्टीने इतक्या महत्त्वाच्या संस्था आहेत.मात्र यात मराठी माणूस असेल का ? तसेच किमान एन
डी.ए मध्ये मराठी व्यक्तींचे प्रमाण किती याबाबत चर्चा तरी होते.मात्र या संस्थांमध्ये मराठी, महाराष्ट्रीयन टक्का किती याबाबत चर्चा होताना मला तरी दिसली नाही. मध्यंतरी नागपूर तरुण भारतच्या पुणे आवृत्तीत वाचले होते की, एन.डी.ए.तील महाराष्ट्रीयन टक्का झपाट्याने वाढतोय.पुर्वी सारखीच पंजाबी लोकांची एन डी.ए .त गर्दी असली तरी आता एन.डी.ए.त मराठी ऐकु येतेय.विश्रांतवाडी, येरवडा, लोहगावमधील या लष्करी संस्थांचा बाबत देखील ही बातमी ऐकयला आली पाहिजे,असो.
माझ्या या फिरण्याविषयी रुममेटशी बोलताना त्याचा एका मित्राने सावित्रीबाई फुले पुणे विद्यापीठाकडून चांदणी चौकात जाताना लागणाऱ्या रस्त्यावर आणि बावधन परिसरात देखील या प्रकारच्या संस्था असल्याचे समजले. माझी पुणे परिसराची पुढची भटकंती त्या भागातील असेल. ती जेव्हा होईल तेव्हा मी त्या विषयी सांगेलच.तो पर्यंत बाय.टेक केअर.
टिप्पण्या
टिप्पणी पोस्ट करा